#منتديات_ميقوع_نت - حنا على صدور المفاخر نياشين وله الفخر من صاب نيشان منا

مسكين ياحلم الضعوف المساكين
ليلك طويل ومذهبك ما فتنا
على النقاء ماهي سوالف وتخمين
شفنا وتعرف باللقاء ويش حنا
حنا على صدور المفاخر نياشين
وله الفخر من صاب نيشان منا
يمدح وترفع رايته بالدواوين
ويصبح فلان ابن فلان المكنا
من خلقة الدنيا وحنا رفيعين
ونرفع مقام اللي مقامه تدنا

حنا الكرم والجود والمذهب الزين
وان قالو مهودي على الروس منا
حنا على ظهور الاصايل سلاطين
ويوم الملاقا يبعد اللوم عنا
عدونا يقفي على الخاطر الشين
وصديقنا يلقى السعد لازبنا
حنا اربع الروس الكبار المسمين
وفينا مشاهيرالقبايل تغنا
عزام يالموت الحمر والضباعين
اولاد مسعد حد سيف المثنى
وحنا الميامين الحلسه الفراعين
عجل المغار بحصنا ماتونا
وحنا الصناديد الفليحان عالين
فوق الكواكب ياعذاب المعنا
من فارعة هداج لقصى فلسطين
وبيوتنا على المعزه تبنا
وحنا الوحوش بوادي الذيب ياحسين
الفين عام ذيابته ماكلنا
نحدهن حد الغنم والبعارين
ونطرب لسمع اصواتهن لا عونا
نبني قصور وفيه نزرع بساتين
واد النعيم اللي بكله سكنا
ياحسين ماحنا بخيره شحيحين
من الثمر نعطي ونملا صحنا
حنا وطن مازعزعوه المعادين
لوغزوا الأعلام منا ومنا
حنا وطن في حكم ال سعود راضين
ومن حقنا نفخر بهم ياوطنا
اللي مماشيهم على الحق والدين
حصن العرب عز الدخيل المجنى
حنا لهم شعب(ن)مع العسر واللين
وافين لو غدر الزمان امتحنا
بالهون ياحلم الضعوف المساكين
ليلك طويل وساهرك ما تهنا

الشاعر خلف الاسيد