#منتديات_ميقوع_نت - سر ياقلب وكتب عساء فالك الزين الشاعر فايل عايد الجنوب

سرياقلب وكتب عساء فالك الزين
ترجم ماقلت وسجله با لكتابه

من شاعراً كنه على شط قزوين
مراكبه قبل عبوره تهابه

هرجاً صحيحاً نطبعه با لدواوين
من شان لاينساء نحفظه عن هابه

يوم جادفكري قلت ماشفت بالعين
وعلم الي غا يباً ما دراء به

رجلاً اعرفه با لمواقف من اسنين
طاريه ينومس لا بته والقرابه

وحنّا ابمدح الي سواته حريصين
عبدالله الخبل كل خير اتهقابه

قراه للي جوه من بعد لا فين
كبشاً ماكاسر الشريطي وجابه

اوحيل نقوه مكر ماتاً من الضين
اسعار هن تفوق سعر الجــلاله

ماهو محّسب طير شلوى البعدين
لعنبوالفقر مايحسّب احسابه

والطيب ماهو سلعةً با لدكاكين
كل من بغاه يروح يمّه اوجابه

الطيب وهايب قسمت با لموازين
وبو سعود للطيب يتعب اركابه

يقلط الواجب على الراس والعين
قرماً اليانه قال علماً وفـــابه

ريفاً على المعدوم لا حده البين
وضاقت عليه والوقت كظه ابنابه

له ينتبي نسل الرجال الكريمين
يقدم على الي يطلبه ما يهابه

يبذل مجهوده لاسمع با لمساكين
يشيل عنهم الحزن والكئابه

يضحك لهم من خاطره والنباءالزين
مبداء كلامه صار وول جوابه

ون اصدفك مع نيت الخيرمـاشين
لازم خويه يخشره من زهابه

راعي الوفاء والصدق زبن المخلّين
سلك طريق الطيب باول شبابه

ماشي بسلم اجدوده الي قديمين
الي شرفهم نال حضرت جنابه

صوارماً الياءحضرو با للقاء الشين
مثل الاسود انزمجرت وسط غابه

اعلومهم ما هي مظنّه وتخمين
الر بعهم عداً عذياً شرابه

عاقله ولا ههم با للوازم خفيين
مابيهم الي مجلسه صك بابه

فعل الكرم والطيب الهم عناوين
صغيرهم درّس عليه اومشابه

كلاً نعرفه من الاقصاء للا دنين
في مجتمعناء والمثايل تشابه

لنا بني عم اورحايم قريبين
ومن الرضاعه اخوتاً اونسابه

عصبه لنا با لدم ماهم بعيدين
لو فر دولا ب الزمن وقتلابه

حسب اروات اجدونا قبل هالحين
تناقلوه اجيال نقش او كتابه

ثابت وعندي الكلا مي براهيــن
بالصدق والا الكذّب وش بنبغاء به

عريبيد هوياء القطامي شقيقيــــن
ولكل من هم جاب عز اومهابه

وتفرعو من الجدود المسمين
والسيف عزه مسكته من انصابه

عاقله مع قطيات هم والبقاعين
عريبيد الهم با لنسب يعتزاء به

ومن القطامي الجنوب العريبين
والسون وعيال رفان هم والغرابه

حبيت اوضح النسب با لدواوين
والي عنده استفسار الفاً هلابه

وصلات ربي عد ما شافت العين
على النبي اعداد وبل. السحابه

فايل عايد الجنوب الشراري