يامحمدالنايف بدنياك والدين
عظيم وعلومك جزالا عظايم
بايعت ابن عمك بحكم المحبين
انته وهو مثل الفهود التوايم
بشهر رمضان بيوم سته وعشرين
بالاربعا بقصر الصفاء وانت صايم
طاعة ولي الامر حق وقوانين
وعلى المعزه من كبار الغنايم
عهد الوفا طبع الرجال الميامين
شرواك ماله بالمواجيب لايم
والا انت شعب المملكه عنك راضين
مادامت الدنيا لهم وانت دايم
تسلم وتقديرك على الراس والعين
وترفع لك البيضا بنجم النعايم
حميت شعبك من ضلال المضلين
وصديت عنهم مرهمات الجرايم
مثلك مثل نايف بشتى الميادين
الحقتهم بعد الهزايم هزايم
كم طاح من يمناك روس المجانين
وضاعت مواقيتآ وطارت عمايم
ومحمد السلمان نعمآ ونعمين
سيفآ مجرب ماحصل به ثلايم
الله يديمه للوطن قولو امين
ويدوم عهده بالرخا والسلايم
عاش الوطن عاش الملك حامي الدين
سلمان راعيها قوي العزايم
عايد رغيان الورده الشراري
1438/9/26