[أداري]

ياهقوتي بعض الصداقـات.. تلـوى
=حذفة عصى.. مهما بلـغ.. مستواهـا

فيها ابتليت.. وشفت غيري.. تبلـوى
=والناس يفرق طيبهـا.. عـن رداهـا

ياهقوتي نشره على طيـر.. شلـوى
=والا الردي نفرح إلـى انـه.. نساهـا

ما نلتفت له...لاااا..لوى.. بالف ملوى
=النفس نرفـع قدرهـا.. عـن وطاهـا

باحساسنا صرح الكرامـه.. تعلـوى
=فوق النجوم اللـي.. بعيد(ن)..مداهـا

نشرب فناجيـل الوفـا.. وانتحلـوى
=نشـوم.. والـزلات ندمـح.. خطاهـا

ياهقوتـي عذبـات الايـام.. سلـوى
=مع صحبة اللي فيـه نفسـي.. تباهـا

صديق وقت الضيق مالاج.. والـوى
=يمنـاه يكفـي عـن قراهـا.. نباهـا

ماهو كمـا نـذلٍ.. بدلـوه.. تدلـوى
=يمشي على الحروه ويركض.. وراهـا

يفضح خفايا مذهبه رمـح.. اللـوى
=ومـن دور الغـرات عنـده.. لقـاهـا

ياهقوتي بلـواه.. بالحيـل... بلـوى
=اللـي صداقاتـه لحـاجـه.. بنـاهـا

ياهقوتي بعض الصداقـات.. تلـوى
=عجزت.. اميز وجههـا.. مـن قفاهـا للشاعرخلف الاسيد