ايه الوطن غالي وانا فيه مزروع
الشاعر الكبير المعروف / جمعة الجراعبه
http://miqua.net/articles.php?action=show&id=5
ابدااااع🌹🌹🌹🌹🌹
السلام عليكم ورحمة الله وبركاته
عندي قصيده بالوطن يا ابن ميقوع
كانك تبي نشر الوطن بالصحيفه
حبه بدمي داخل القلب مطبوع
وعيني بلا شوفه تراها كفيفه
ايه الوطن غالي وانا فيه مزروع
مثل النخل شامخ يلاعب عسيفه
والي نواه بشر لو ياصل الكوع
يموت ما حصل توالي رغيفه
حنا له سيوفاً وحنا له دروع
ونفوسنا من زود خيره عفيفه
اعشق به الشبعه واعشق به الجوع
واعشق ربيعا جاه واعشق خريفه
والي يحاول يترك الحبل مقطوع
بيني وبين اهل النوايا النظيفه
الله يجعل حيلته هم ودموع
يشكي من الدنيا ويشكي نزيفه
الي بنا له داخل الحقد مشروع
سخيف راي وكل اموره سخيفه
كان الرساله ما وصلت يا ابن ميقوع
الله يعين الي يدير الصحيفه..!!؟
ابو بكر / جمعه الجراعبه