قلبي يابو سالم زرق فيه هاجوس
يكفيك شر الهاجس ألي لفاني
البارحه كني من الأرض ملموس
مافكني المغربي واليماني
مامرحت ليلي كن ضرسي بها سوس
تقول شذيا داخله وسط اذاني
لاتحسب اني من أريش العين منفوس
أسباب هاجوسي تغير زماني
البدو راحو مابقى منهم احسوس
ديارهم تلعب عليها الحصاني
يازين يوم الدرب مبرك ومدسوس
شوفك يعالج علتك في ثواني
لشفتهن قبل المسا وهن رموس
ياطن على الأسليح والحولذاني
هذا الدواء ياعيد لو رحت لروس
شوفك البيوت وشوفهنه أسماني
أن بعت منهن مانقص جيبك أفلوس
أن جا نهار العيد مس البطاني
على الأصيل اللي مقوس كما القوس
وش يقظبه لثار صوت الأماني
هذا علاجي لاكن الحظ متعوس
من غير هذا مالي علاج ثاني
أن ضاق صدري ليوم غصت البحرغوص
أرجع رجولي معبيه هيلماني
نسعا ونركض لاكن أرياقنا يبوس
الكل للبنك العقاري مداني
دنيا كفا الله شرها تحوسنا حوس
يالله دخيلك من عكوس الزماني