السلام عليكم ورحمة الله وبركاته
يامرحبا بك عد نبت الخزامه
وعداد ماينبت ورد ونواوير
الطيب فيكم يالسنافي علامه
ونلتو الشرف في عسرها وتياسير
وشرواك قرمن يوم يكرب حزامه
ياصل اذا هاب الضعيف المعيثير
انشهد انك يامحمد امامه
امام لهل الطيب بيسرها وتعاسير
حيثك مقر المرجله والشهامه
ويزبن بضلك من قريب ومسايير
ولو اكتب من شعر عد الغمامه
ماوفيت حقك يازبون المخاسير
مدحت ابو مفلح سيد الزعامه
شبلن وفي وجهه تشوف التباشير
واخوه ابو سلمان يشبه حسامه
سيفن تسله بالسنين المحاسير
وصلات ربي عد منشاء الغمامه
وعداد ماهبت هبوب ومعاصير
وعداد مارفرف جناح الحمامه
علي نبين دلنا جادة الخير
الشاعر /عارف الحبينات