. صوت المساليت ..
زلالزال والدنيا على كف عفريت
تموج واحبال الفتن مستمده
يالله يالمعبود ياحامي البيت
تحمى وطنا من الفتن لاتهده
ويبقى تحت حكم السعود المناعيت
ومن كادله كيده بنحره ترده
صبح الثلاثاء صاح صوت المساليت
من ظيم صاح وبيح الظيم سده
صوتا جهوري يوقض الحي والميت
وجوله جموعا شافوا الحق حده
المزرعه والبيت والحوش والليت
ماتوها بنيت لها سنين عده
وين انت ياللي يوم بنيت تخفيت
توك تجي تومي وحبلك تشده
الظلم مايبقى لونك تحاصيت
والسالفه ماهي ببغض وموده
والله يلولا الحاكم الذايع الصيت
ابن سعود اللي نقف ضد ضده
ماتاصل الحروه لونك تهقويت
شرواك عن عذب المشارب نرده
..خلف اﻷسيد