سلام مني لكم ياعيال
ياللي على الواتس كل لليله
وشلونكم بالله وكيف الحال
وكيف الجماعة مع العيله
ودي اوجه لكم سؤال
وكلا يجاوب على أمهيله
اللي اتسمونه النقال
اللي بيديكم هذا احليله
تراهو سبب لكم اهبال
ولاعاد والله بكم حيله
لنتم مهبل ولا عقال
حتى بزارينكم تشيله
ولكل منكم تقول تمثال
مايسمع اللي إناديله
أمدنق ويضغط الجوال
ولا يداني احدن يحاكيله
مهنا سوالف وعلوم ارجال
وتقضي الليل تعليله
مدري اليا متى هلحال
هلي جرى ويش تفصيله
هذا سؤالي ولوهو طال
ودي جوابه وتحليله
''''''''''""""""" """
مـــع تــــحــــيــــات :
الـــشـــاعر:حــمـــود مـــقـبل ابــــو طــــــلال
1434/3/26 الخميس