مردة / فايل عايد الجنوب الشراري على / زايد مصبح القطمان الشراري

[محمد]

بسم الله الرحمن الرحيم

بيت المقدمـه
تحيه لـ أبو وافي وتقدير
قبل وصول بكرتي نعتمدها

القصيدهـ :

1- أرقبت تلن كل رأسه شناظير
متمركزن مابين نفد وجلدهـا

2- مرقاب للعشاق عيال دواوير
الكل منهم عشقته يعمدها

3-يراكب لي كامله بالتواسير
حمرا ماعمر الحوير لقدها

4-حمرا إلا صفت عليها الطوابير
ان طول الماد تطلع وحدهـا

5- ما ضامها روس العدف والدعاثير
تسعين كيلو تطويهن بيدهـا

6- من ساس جيشن لون جنيه الدنانير
عشرين جد من الإصايل عددهـا

7- ان نغرشن قدامها خشوفاَ محادير
الأولـه من الروامـا فردهـا

8- مشتأها بين القرط والمظاهير
وميرادها عروس كلاَ وردها

9- ومرباعها النفود وقت المخاضير
عشبا كسا روس النوازي وجردهـا

10- ومصيفها بين الرحا والمحافير
ومقيضها ميقوع وهذا بلدهـا

11- تلفي على اللي مايهاب المخاسير
من أهل البيوتَ اللي رفيـع عمدهـا

12- تلقى الصياني فوقها من الفرافير
ودوما نشاما بشق بيتها حشدها

13- ماهو من اللي يدرق بالمعاذير
ولا الردي الجمالهَ جحدهـا

14- يفداك ولد الاش نسل الخنازير
أهل النفوس اللي كثيراَ حسدهـا

15- يَ إآبو وافَـي يا زبون المناعير
حلال لفات االرشا من عقدهـا

16- البارحـهَ بالعيـنَ تقل محاوير
تقل الشناذر ساطين مع رمدهـا

17- من أبو نهوداَ مثل الزبيدي مزابير
وقرون شقراَ كاسيات نهدها

18- ما طبها المكياجَ هَو والمناكير
ولا وقفتَ أسواق مدن وبلدهـا

19- مشوطها بول البكار المعاشير
بقفرتن راعي الدعم ماعمدها

20- العين عين اللي ماكره بالشناظير
حراَ صفق الحبارا وسردهـا

21- إلا ضرب نثر الريـش تنثيـر
خلا الحبارا دمها من تحتهـا

22- مخالبه لون السيوف البواتيـر
تسعين خرب من الحباري جلدهـا

23- وجدي عليها وجد من طاح بالبير
بتلى حياتـهَ يـوم روحهَ فقدهـا

24- ولا مريضن طاح عند الدكاتير
الروح ذأبت واختفتَ عن سجدها

24- عقب الإشاعه دخلو المناظير
وطوح ملفه وخبرته ماعتمدهـا

25- وهاذي نهاية عاشقن للقنادير
لـو شاف كبر تيهته مانتقدهـا

26- وصلاة ربي عد وبل الشخاتير
وعداد سحبن قامَ يزبر بردهـا

27- على رسول طاف مكهَ بتقدير
وزار الحرم وبالمدينهَ عمدهـا

28- والسلام عليكم ورحمة اللهَ وبركاته

(زايـد مصبحَ)


هذي مردة/فايل عايد على زايدالقطمان/
حي الجواب الي لفاء دون تائخير؟
من فوق حمراء ماوزت الجهدها/
يزودركضه مع طويل المشاوير؟
مترهيه ماتشوف يطلع زبدها/
ركابه اعطاني جوابن وتفسير؟
يشرح لي الي مبهماتن عقدها/

يوضح الي يقصده بالتعا بير؟
والا انا نفسي كل شين وردها/

من ابو كاتب جاني الخط بعصير؟
من قبل قرص الشمس يلجاءلحدها/

خلاني من اول ليل اغرق بتفكير؟
احلل الموضوع باللي قصدها/

ودي اني اعرف ويش ناوي على خير؟
سحابته اضفت مير مخفي رعدها/

فكره يخطط عن هدف وده اي صير؟
لاكن متحير ويش ياتي بعدها/

عساء نتايجها سهاله وتيسير؟
يجزم ونفسه مايغثبرسعدها/

مع جادلن موصفه بالتصاوير؟
ونا اضنه ابمحاري بلدها/

وش يمنعك ون كان دونه عواثير؟
لابد من حلن يسهل نكدها/

دور على ماقيل من سره ابير؟
يجيبلك صدق العلم الياء نشدها/

بعده اقوم لك في جميع المخاسير؟
والله لونه كثيرن عد د ها/

وخلاف ذا شديت زين المواتير ؟
من شركته بالصنع كلن حمدها/

جيبن قنيته للطلب والمشاوير؟
مهمته لوهي بعيده عمدها/

الياانسرد مع خايعن يلحق الطير؟
حرن مستفردصيدتن له وحدها/

متشوف خلفه غير عج اومعاصير؟
ماهمته لين البلاد اوجلدها/

يلفي لبيتن مد هلن للمناعير؟
ناره سناهامن بعيدن وقدها/

تجذب له الخطار مع المسايير؟
رعيه قرمن المخاطر وردها/

مايذيح الا للمسير ولد ضير؟
والا اقحومن من انعيم ونجدها/

هذاابوكاتب له معزه عن الغير؟
كم حايلن للضيف ايتم ولدها/

رعي الركاب البينات المشاهير؟
مصفياتن نسلهن عن عكدها/

اسعارهن عندالمولع قناطير؟
لون له حيله من رعيها جبدها/

بيهاماهمه لوخسر من دنانير ؟
يدفع فوق المليون كنه وجدها/

وعنده الربعه من معزه وتقدير؟
الي يزوره جيته مالهدها/

صخرة قافي بالمردات تصخير ؟
خوفن من النقاد لاينتقدها/

وصلاة ربي عد وبل المبادير؟
سحبن من المنشاء ترازم رعدها/

على نبين بين الشر والخير؟
شفبعنا يوم القيمامه وعدها/

مردة / فايل عايد الجنوب الشراري
على / زايد مصبح القطمان الشراري