رداً على قصيدة الشاعر الشيخ قياض بن ناحي الشراري

[خالد]

http://www.youtube.com/watch?v=dLwuX...ature=youtu.be

رداً على قصيدة الشاعر الشيخ قياض بن ناحي الشراري امام وخطيب جامع ميقوع وكان موضوع قصيدته بقصر الإماره عندما مر على القصر بعد تقاعده حيث عمل كاتباً بذلك القصر قرابة الخمس والثلاثون عام وتذكر جميع الرؤساء الذين استلمو رئاسة قصر الإماره بمركز ميقوع التابع لمنطقة الجوف وتذكر من ضمن الرؤساء شايع بن فراج السهلي الذي اثنا عليه شيخنا الفاضل جزاه الله خير الجزاء على ذكره وشكره فهاذه من صفات الطيبين الذين يذكرون ويشكرون ولاينكرون طيب ومواقف الرجاجيل


ياحي صوتاً من بعيداً لفالي
ونا جنوب المملكه قال ياعيد

حي الله اللي خصني واشتكالي
يامرحبا ترحيب من دون تحديد

اغليه واعزه وبالحيل غالي
وغلاه ماينقص مع الوقت ويزيد

الشيخ ابولازم طليق القبالي
سمح الجناب اللي كما قمة الحيد

ينشد عن اكبار الزحول الرجالي
ويثني ولايجحد افعول الاجاويد

قــام ايتــذكر ماضيات الليـالي
وقتاً مضى عصره ولايمكن ايعيد

ويومن ابولازم سألني سؤالي
عن بعض ضلعان الرجال الصناديد

ربعاً يشيلون الحمول الثقالي
يثني عليهم طيب الفال ويشيد

نعماً ببوفراج لاجى المجالي
بصمة ابهامه باقيه دون تجديد

ولاانسى بعد راع العلوم الجزالي
مرحوم ياراع المواقيف يارشيد

ابوعبدالله له مواقف اجزالي
وميقوع يشهد بالشهادات لرشيد

وياشيخنا يفداك راع الهزالي
ياالله عساها ماتجيك التناكيد

شرفتني يااللي لك القدر عالي
ومحبتك ياشــيخـنا دايـم تزيد

الشاعر/عيدغانم الشراري

ياعيد بشر صا حبك عن حوالي
وقله تراني بحسن الحال ياعيد

وقله تراني مانسيت الشما لي
وكل الرجال الطيبين الصناديد

نعم الرفيق اللي على القلب غالي
ماكنه الا اخوي لو جده ابعيد

انشهد انه وافياً با الرجالي
على المراجل ثابتاً كنه الحيد

مانسته ياعيد طول الليالي
متجوداً في رفقت الطيب تجويد

قياض ابن ناحي كريم السبالي
اللي محله مدهلن للأجاويد

وختا مها ياعيد وصل مقالي
واسلم اوسلملي على الكل ياعيد

الشاعر شايع بن فراج السهلي